BAKIT?????

Simple lang naman ako noon

Walang pakielam sa paglipas ng panahon

Ngunit nag-iba na ata ngayon

Simula ng makita siya kahapon

Ako'y nabigla at natulala

Nang matanaw ang maamo nyang mukha

Ako'y nabighani at napahanga

Sa taglay nyang kakaibang karisma

Dahil ako ay mahiyain

Di ko magawang siya ay tawagin

Upang pangalan niya ay alamin

At makilala na ngayon din

Napansin niya ata ako'y nakatingin

Kaya ako ay nilapitan niya rin

Una ako'y naging mahiyain

Ngunit paglipas naging okay na rin

Madalas ko na siyang makasama

Dahil don ay labis akong natutuwa

Lalo na pag siya'y nagpapatawa

Puso ko'y nagagalak ngang talaga

Pag-ibig na nga ba ang nararamdaman

Para sa kanya ang nilalaman ng puso ko at isipan

Ilang araw at gabi ang nagdaan

Palaging siya ang napapanaginipan

Akala ko ay magiging masaya

Ang pagtatapos nang aming istorya

Ngayon ko lang napatunayan, hanggang akala lang pala

Pagkat ngayon kami ay nagkahiwalay na

Mahal ko siya, yun lang ang aking alam

Ngunit puso ko ngayon sa kanya ay nagdaramdam

Pagkat sa isa`t isa kami ay nagpaalam

Nawala ang lalaking aking inaasamasam

Inisip kong magtapat na sa kanya

Upang damdamin ko mapagtanto na

Ngunit bakit parang di na niya ko kilala

Walang sagot sa lahat ng aking padala

Siya sa akin ay may kailangan

Kaya ako`y kanyang kinaibigan

Hindi ko alintana pagkat ako'y nalinlang 

Nang damdaming kong nararamdaman

Gusto kong isipin na ako'y minahal din

Ng taong aking mamahalin

Ngunit bakit siya'y walang damdamin

Na nakalaan para lang sa akin

Masakit para sa akin ang nangyaring ito

Lalo't unang pagibig ito ng puso ko

Kaya hindi mapigilan na mapaluha ako

Sa tuwing siya ay naaalala ko.